Thursday, March 31, 2011

ఆర్య - 2






పైన మూడు బొమ్మలని సరిగ్గా గమనించండి. బుడతడు బుడ్డదాన్ని ఏదో చేస్తున్నాడు :). ఆర్యా-2లో అర్జున్ కాజల్‍తో  అన్నట్టు..ముందు నీకు లవ్ యూ చెప్పాలి, తర్వాత లవ్ లెటర్ రాయాలి, తర్వాత ముద్దు పెట్టుకోవాలి. కాని రివర్స్..
ఇక్కడ కూడ మనోడు, చిన్న వయసు లోనే ఏదో చేసేసి, తర్వాత కౌగలించుకొని, తర్వాత కాస్త పెద్ద అయ్యాక ముద్దు పెడుతున్నాడు.
అంతేలే చిన్న వయస్సులోనే అన్ని చేసేస్తే, ఇప్పుడు ముద్దు కాకుండా ఇంకేమి చేస్తాడు.. :)

Monday, March 28, 2011

Good Evening ..

మిలమిలలా మిణుగురులే తల తల తారళ్ళా మారినవే
మదినదిలో అలజడులే ఇపుడిక మాయం అయ్యనులే

మిలమిలలా మిణుగురులే తల తల తారళ్ళా మారినవే
మదినదిలో అలజడులే ఇపుడిక మాయం అయ్యనులే

ఎన్నో ఎన్నో ఆశలు ఇన్నాళ్ళుగ.. చెప్పేవీలే లేక వేచాయిగా
నాలో దాగే మౌనం నేడో రేపో.. మాటైపోదా తొలిగా

నీకై నా హృదయం వేచే ప్రతినిమిషం
తీయని బాధే అయిన ఆనందంగా ఉంటోందే
రోజూ తొలి ఉదయం నిన్నే నా నయనం
చూడాలంటూ ఎంతో ఎంతో ఆరాటంగా కళగంటోందే

నీకిక అన్నీ నేనే నీలో వెచ్చని శ్వానై కలిసుంటాగా కడదాక కనుమూసే దాక

నాకోసం నేనెపుడు ఆలోచించి ఎరుగనులే
తరచూ నీ ఊహలలో విహరిస్తున్నానే
నీతో సంగతులు చెప్పాలనిపిస్తుంటుందే
తరుణం ఇది కాదంటూ వొద్దొందంటూ మనసే ఆపిందే..

మిలమిలలా మిణుగురులే తల తల తారళ్ళా మారినవే
మదినదిలో అలజడులే ఇపుడిక మాయం అయ్యనులే


చిత్రం: తకిట తకిట
రాసింది: భాస్కరభట్ల రవికుమార్
పాడింది: సత్యం
సంగీతం: బోబో శషి
ఆన్ లైన్‍లో ఇక్కడ వినండి
నాకు నచ్చింది మరి మీకు?


ప్రేమ - పెళ్ళి (నా కథ) - 2

ఇంతకు ముందు చెప్పినట్టు మా అమ్మమ్మ ఇంటికి ప్రయాణం. అవి మంచి పాత రోజులు(గుడ్ ఓల్డ్ డేయ్స్ అన్నమాట). అంటే ఒంటి మీద లాగూలు తప్ప, జెట్ లాగులు తెలియని రోజులు. అబ్బాయిలకు గూటిబిళ్ళ, అమ్మాయిలకు తొక్కుడు బిళ్ళ ఆటలు గా చలామణీ అవుతున్న రోజులు.అసలు అమ్మమ్మ ఇంటికి వెళితే వేసవి కాలం కూడా ఒక పండగలాగ ఉంటుంది. అక్కడ రాజు, మంత్రి, భటుడు అన్నీ మనమే ఎందుకంటే మా బంధువుల్లో అంతా నాకన్నా బాగా చిన్న లేదా నాకన్నా బాగా పెద్దవాళ్ళు (అబ్బాయిలు) తప్ప నా ఈడు వాళ్ళు లేరు అందుకనే అప్పుడప్పుడు తోట వెంబడి పక్క వీధి పిల్లలతో బలాదూరు తిరుగుతానన్న మాట.
అలాంటి ఒక వేసవి మధ్యాన్నం, అమ్మమ్మ వేసిన మజ్జిగన్నం లో ఆవకాయ నంజుకొని తిని నాతో పాటు మా పటాలం అంతా పడుకొని ఉండగా. ముందే వేసుకొన్న పధకం ప్రకారం మెల్లగా నిద్రలేచి, పెరటి తలుపు తీసి, ఆడుకొని వచ్చాకా అలమారా మీద మామిడిపళ్ళ రుచి ఊహించుకొంటూ గోడ దూకడానికి సిద్ధం అయ్యా, ఏంటి గోడ దూకడానికి ఎందుకు అంటారా?   మరి, వేసవి కాలం అది కూడా మిట్టమధ్యాన్నం ఆడుకోవటానికి వెళతానంటే, మీకు ఒక వెండితొడుగు  వేసిన గూటిబిళ్ళ,నవరత్నాలతో చేసిన గోళీలు ఇచ్చి చందనం బొట్టు పెట్టి, విజయుడవై తిరిగిరా అని అశీర్వదిస్తారా? ఏమో మరి మా ఇంట్లో ఐతే ఇంత ఎండలో బయటకు వెళితే, కాకి లాగ మాడిపోతావ్ అనో లేక పోతే తెగులు కోడి లాగ తలవాలుస్తావు అనో ముద్దుగా చెప్తారు. ఇంకా వినలేదు అనుకోండి రెండు మూడుసార్లు బుగ్గ వాచేలాగా ముద్దు పెట్టుకొంటారన్నమాట.
ఇంతకూ పెరటి గోడ దగ్గర నిలబడి దూకుదాం అనుకొంటుండగా, వసారా తలుపులు టక..టకమన్నాయి. ఐనా ఎవరైతే నాకేంటి అని రాజశేఖర్ లాగా గోడ దూకుదాం అనుకొన్నా. కానీ ఈ లోపే ఉన్న కొంచం బుర్ర చురుగ్గా పనిచేసింది. ఇప్పుడు మనం కనపడకపోతే అందరికి, ఆడుకుంటానికి వెళ్ళామని తెలిసిపోతుంది. తరువాత మనకు వీపు పగులుతుంది.కాబట్టి ఈ రోజుకి ఆటలను త్యాగం చేద్దాం అని అనుకొని ఇంటిలోకి అడుగుపెట్టా.
లోపలంతా గోలగోలగా ఉంది ఎండలో నుండి లోపలకు రావటం వల్ల మనుషులు అందరూ నల్లగా కనిపిస్తున్నారు ఎవరా అని చూస్తే ఒక మూలన ఒక ఆకారం చీకిన తాటిటెంకలాంటి జుట్టుతో మామిడి టెంక చీకుతూ ఉంది వెంటనే, వచ్చింది మా రాజు (ఏ దేశానికి అని అడగకండి అదిగో మళ్ళా ప్రశ్నా)మామయ్య అని, ఆ తాటిటెంక మొహం మా మరదలు గజలక్ష్మి (శ్రీ లక్ష్మి) అని అర్ధం అయ్యింది.
ఇప్పుడు మీ అందరికీ మా మరదలు గురించి ఒక చిన్న ఉపోధ్ఘాతం. మా మరదలు పేరు శ్రీలక్ష్మి, మనం ఇచ్చిన బిరుదులు గజలక్ష్మి అలియాస్ బొండం, ఎందుకంటే ఈవిడ ఉదయాన్నే 5 గంటలకు లేచి, పళ్ళు తోముకొని (....ఆ అప్పుడే అదర్శ వనిత అని బిరుదులు ఇవ్వొద్దు..చెప్పేది పూర్తిగా వినండి), తన నోరు అనబడే యంత్రాన్ని ఆడించదం మొదలుపెడుతుంది. ఆ యంత్రం సాయంత్రం ఆవిడ పడుకొనే వరకూ ఆడుతూనే ఉంటుంది. ఎందుకంటే మా ఇంట్లో అటు మూడు తరాలలోనూ ఇటు మూడు తరాలలోనూ ఆడ పిల్లలు లేరంట, కాబట్టి ఈవిడకు అందరూ వంతులు వేసుకొని మరీ తిండి సంతర్పణ చేస్తుంటారు. ఆ తిండి ఏంటే బాబు అని ఎప్పుడైనా అడిగాం అనుకోండి. మా మరదలి కన్నా ముందు మా అమ్మమ్మ సమాధానం ఇస్తుంది, ఏంటంటే ఈ వయసులో తింటే బలం నువ్వు తినవు అందుకే నక్క లాగ ఉన్నావు అంటుంది. ఇంకేమంటాం నక్క, కుక్క అన్న బిరుదుల కన్నా మా మరదలు దుక్క లాగ ఐతే చూడటం మెరుగు కదా అని ఊరుకొన్నా.
ఐనా మనకు బుర్రలు తిన్నంత బాగా తిండి తినడం రాదు కదా. ఏతంతారు ఏటి?
ఉపోధ్ఘాతం సమాప్తం.
ఆ విధంగా రాజు మామయ్యా వాళ్ళతో కబుర్లు చెప్పుకొని , మా మామయ్యను బాగ తొక్కి తన్ని ఆడుకొన్నాకా, అమ్మమ్మ పెట్టిన పనసపొట్టు కూర వేసుకొని తిని, వెన్నెల్లో దోమలు విసురుకొంటూ, రేపు ఆటలకి ఎలా గోడ దూకాలా అని అలోచిస్తూ ప్రశాంతంగా పడుకొన్నా.
తెల్లవారుతూనే సూర్యుడితో పాటు నాలో ఒక ఉపాయం ఉదయించింది. గాలిపటం చేసుకొని అది ఎగరేసి ఎక్కడో పడిపోయింది కాబట్టి అది వెదికే నెపంతో దూకేయడం - ఉపాయం అదిరింది కదా ఇంక ఆచరణే మిగిలింది. ఓహో శభాష్ అనుకొని.. పద పదవే వయ్యారి గాలిపటమా అనుకొంటూ, ఉదయం పనులు చేసుకొని వసారాలో కూర్చున్న మా అమ్మమ్మ,అమ్మ, అత్తయ్య, మరదళ్ళ దగ్గరకి చేరా. టి.వి పెట్టుకొని క్రికెట్టు చూస్తూ , ఈనాడు వార్తాపత్రికను, అన్నం మెతుకులనూ, ఈనెలనూ ముందేసుకొని కూర్చున్నా. ఇవన్నీ ఎందుకంటే గాలిపటాలు చేయటానికి అన్న మాట. క్రికెట్టు చూడటం గాలిపటాల తయారీకి ఎలా ఉపయోగపడుతుంది అని మీకు అనుమానం వస్తే ఎందుకైనా మంచిది మీ మోకాలుకు ఒకసారి ఎం.అర్.ఐ స్కాన్ తీయించండి హి..హి..హి.
ఆ విధంగా సరంజామా అంతా సర్దుకొని గాలిపటాల తయారీలో నిమగ్నం అయ్యిఉండగా, మా అత్తయ్య గాలిపటాల తయారీలో నా ప్రజ్ఞ చూసి ఏరా ఇప్పుడే గాలిపటాలు ఇలా తయారు చేస్తున్నావు పెద్దయ్యాకా విమానాలు తయారుచేస్తావా? అని అడిగింది.వెంటనే నేను విమానాలు తయారు చెయ్యడం ఇంత సులువు ఐతే ఇంక దానికి పెద్దవడం ఎందుకు అని అడిగా..ఆ సమాధానం తో మా అత్తయ్యకు దిమ్మ తిరిగి జ్ఞానోదయమై ఒక పలుగు పారా తెచ్చి తను కూర్చున్న చోట ఒక గొయ్యి తీసి రావి చెట్టు పాతి మా ఊరి బొధ్ గయ అని పేరు పెట్టే వరకు శాంతించలేదు.
ఇంతలో మా అమ్మమ్మ కూడా నా తెలివికి మురిసి ముక్కలై ఏరా పెద్దయ్యాకా శ్రీలక్ష్మిని పెళ్ళి చేసుకొంటావా? అంది.
వెంటనే నిద్రపోతున్న జ్ఞాపకాల పొరలలోంచి ఒక ప్రశ్న నిద్ర లేచింది - పెళ్ళంటే ఏమిటి అమ్మమ్మా ఈ సారి అమ్మ పక్కన ఉన్నా అమ్మమ్మ ఉంది, నా ప్రశ్నకు సమాధానం దొరుకుతుంది అన్న ఆనందం లో అడిగేసా.
నా ఊహ నిజం అయ్యింది అమ్మమ్మ సమాధానం చెప్పింది.. పెళ్ళంటే..మొగుడు ..పెళ్ళాం..అవ్వటం అని. హ్మ్మ్ అర్ధం కాలా అందుకే అంటే ఏంటి అన్నా..
అమ్మమ్మ: అంటే నేను, మీ తాతయ్య, మీ అమ్మ, మీ నాన్న, అత్తయ్య, మామయ్య లాగా అన్న మాట.
నేను:..అంతేనా.
నేను: ఐతే పెళ్ళైతే నేను , శ్రీలక్ష్మి అన్న మాట అంతేనా అన్నా. అమ్మమ్మ అంతేరా అంది.
అడిగిన ప్రశ్నకు సమాధానం రావడంతో ఇంకో సందేహం వచ్చింది. అమ్మమ్మా మరి మా నాన్న అప్పుడప్పుడూ మా అమ్మతో నిన్ను పోషించేది నేను, మీ పుట్టింటి వాళ్ళు కాదు అంటుంటాడు. పోషించడం అంటే ఏంటి? అన్నా (మనకు ప్రశ్న అడగడం తెలుసు కాని ఏ ప్రశ్న ఎక్కడ అడగాలో తెలిసి చావదు కదా). అంతే మా అమ్మ మొహం ఎర్రగా అయ్యింది .ఇప్పుడు మీరు ఏమి అనుకొంటున్నారో నాకు తెలుసు. మా అమ్మ స్రుష్టించిన సునామీ లో నేను కొట్టుకొని పోయాను అని కదూ ........అన్నీ అనుకొన్నట్టు జరిగితే అది జీవితం ఎందుకు అవుతుంది.సునామీ వచ్చింది కానీ వేరే వైపునుండి, అదెలాగా అంటే...ఈ  క్రింద విధంగా.
నా ప్రశ్నకు సమాధానం వచ్చింది... పోషించడం అంటే తిండి పెట్టడం అని.వెంటనే నా కళ్ళ ముందు ఒక చలనచిత్రం కనపడింది. నేను మా గజ లక్ష్మిని పెళ్ళి చేసుకొన్న తర్వాత, ఉదయాన్నే 4కు లేచి మా కళ్ళం శుభ్రం చేసి, పాలు పోసి , పేపర్ వేసి , పైసా పైసా కూడబెడితే ఆ డబ్బు మా గజలక్ష్మి గారు పాలలాగ జుర్రేస్తారు.
తరువాత 5-8 ట్యూషన్లు చెప్పి సంపాదించినది ఈవిడ టిపినీలకు సరిపోతుంది. 9-5 ఉద్యోగం చేసింది ఈవిడ మధ్యాన్న భోజన పధకానికి సరిపొతుంది. మళ్ళా 5-7 తరువాత కార్యాలయం నుండి సరదాగా మారువేషం వేసుకొని రిక్షా తొక్కి సంపాదించినది ఈవిడ సాయంత్ర ఉపాహారానికి సరిపోతుంది. మళ్ళా 7:30-9 ట్యూషన్లు చెప్పి రాత్రి భోజనం పెట్టాలి అంటే...ఇంక నా పని అంతే అని భవిష్యత్తుని ముందు జాగ్రత్తతో అలోచించి .....నేను శ్రీలక్ష్మిని పెళ్ళి చేసుకోనూ అని అరిచా.
వెంటనే ఒక రాకాసి అల నా వెన్నును బలంగా తాకింది. ఇప్పుడు మీకొక ప్రశ్న. నన్ను తాకిన అల 1) సునామి అల 2) మా మరదలి చెయ్యి . మీ సమాధానలని వారం లొగా 1 లేదా 2 అని 23456 కి సంక్షిప్త సమాచారం () పంపించండి. సరైన సమాధాలు పంపిన విజేతలకు మా మరదలిని ఎత్తుకొనే భాగ్యం.హి..హి..హి..హి.
ఆ అల తాకిడి నుండి తేరుకొనేలోగా టి.వి లో కపిల్ దేవ్ కొట్టిన సిక్స్ నా తలకు తగిలింది. దానితో నాకు దూరదర్శిని() అవసరం లేకుండానే పట్టపగలే అన్ని రంగులలో చుక్కలు, నక్షత్ర మండలాలు కనిపించాయి. వెంటనే నా వీపు మీద బుధగ్రహం కూర్చున్న భావం. ఒక్క క్షణం నా రోజూ ప్రార్ధనలు ఫలించి దేవుడు తన విశ్వరూపం చూపించడం లేదు కదా అని అనుమానం వచ్చింది.
అది తీర్చుకొందాం అని తల విదిలిస్తే... తల కదలదేంటీ????అయ్యో.. దేవుడా నాకేదో అయ్యింది అనుకునేంతలో నా బుర్ర ఒక్కసారిగా పనిచేయడం మొదలుపెట్టింది. అప్పుడు వెలిగింది "శ్రీలక్ష్మిని పెళ్ళి చేసుకోనూ" అని అరిచిన అరుపుకి మా మరదలి మొదటి రియాక్షన్() 1) నొచ్చుకొని వీపు మీద చరిచిన చరుపు.
ఇంకనూ కసి తీరక నెత్తి మీద ఒకటి మొట్టి నా మీద ఎక్కి గుప్పిళ్ళతో నా జుట్టు పట్టి గుంజి పండగ చేసుకొందన్న మాట.మా అత్త, ఆమ్మ విడిపించబట్టీ కాని లేకపోతే ఈ పాటికి మా ఊరి బోధ్ గయ పక్కనే నేనూ గయా అని రాయించేద్దురు.ఇంత జరిగి దెబ్బలు తిని నేను ఉంటే (ఏడట్లేదులెండి ఎందుకంటే ఏడిస్తే మా మరదలి ముందు నా పరువు పోతుంది + తన కసి తీరినట్టు ఉంటుంది అందుకే ఆ బాధ గుండెలలొ దాచుకొని తర్వాత పగ తీర్చుకొందాం  అనుకొన్నా) కాని ఏమి లాభం దెబ్బలు తిని నేను ఎడుస్తుంటే. అందరూ కోపం వచ్చిందామ్మా అని మా మరదలిని ఓదారుస్తున్నారు.
చీ! జీవితం అనుకొని ఇంకేమి వెళ్తాం ఆటలకు అనుకొని పక్క గదిలొకి వెళ్ళా.ఈ లోగా అందరూ ఆ గదిలోకి వచ్చారు ఆహా.. ఇప్పుడు మనకి సామూహిక ఓదార్పు యాత్ర ఉంటుంది అని చంకలు గుద్దుకొంటుండగా. అందరూ నన్ను చూసి నవ్వడం మొదలు పెట్టారు. ఎందుకంటే నేను దెబ్బలు తినడం వాల్లకు నవ్వు తెప్పించిందట. హ్మ్మ్ విషాదం లొ వినోదం అంటే ఇదే అనుకొని, మనసులొ ప్రతిజ్ఞ చేసుకొన్నా.. భారతదేశము నా మాత్రుభూమి.. భారతీయులందరు నా సహోదరుళ్ళు (సహోదరుణిలు) కాదు. నేను నా మరదలిని మనస్పూర్తిగా ద్వేషిస్తాను. ఇంత ఉత్పాతానికి కారణమైన పెళ్ళిని (ఈ గొడవ అంతా పెళ్ళి గురించి అడగటం వల్లే కదా మొదలు) ద్వేషిస్తాను, అనుకొని అ రోజుకి ఆటలకి స్వస్తి చెప్పి పడుకొన్నా.
ఈ సంఘటన నాకు పెళ్ళంటే, నా వయసు ఆడవాళ్ళంటే భయపడతానికి, ద్వేషించడానికి పునాదిని కొంచం బలంగా వేసింది.
కొసమెరుపు:అసలు ఈ గొడవంతా పోషించడం అన్న ప్రశ్న దగ్గర మొదలైంది కదా అని మీరు అడగొచ్చు.కాని అసలు ఆ ప్రశ్న అడగటానికి కారణం, పెళ్ళి గురించి మా అమ్మమ్మను అడిగిన ప్రశ్నకు సమాధానం రావటమే కదా!! పైగా పోషించడం గురించి ప్రశ్న అడిగినప్పుడు మా అమ్మ రియాక్షన్ ఏలా ఉన్నా తర్వాత మాత్రం దగ్గరకు తీసుకొని ఓపికగా లౌక్యంగా ఎలా ఉండాలో చెప్పింది.. కాబట్టి తప్పంతా మొదటి ప్రశ్నదే.వచ్చేసారి మరిన్ని సంఘటనలతో కలుద్దాం.

Thursday, March 24, 2011

చదువు సంధ్యలు : ద ట్రూత్

          ముందుటపా లో చెప్పిన్నట్టు "విశాలమైన ప్రదేశంతో మొదలయ్యి, చివరికి ఒక చుక్కతో మిగిలిపోతున్నాం" అన్న వాఖ్యానికి చాలా అర్ధాలున్నాయి. ఆ చుక్క పేరు ఇన్వెంషన్ లేద డిస్కవరి అవ్వాలి. రీసెర్చ్ అంటే అదే మరి. మనం చదువుకున్న సూత్రాలు, నియమాలు, ప్రతీదీ వారి పుణ్యమే మరి. నిజానికి మనం చదివిన దానికి అందరూ శాస్త్రవేత్తలు అయిపోవాలి. అందరూ రీసెర్చ్ సెంటర్లలో పనిచేస్తూ ఇప్పటికి కూడ ఏదో ఒక కొత్త విషయాన్ని కనిపెడుతూ ఉండాలి. కాని..ఏం జరుగుతుంది ఇక్కడ. వాస్తవానికి వస్తే పదవ తరగతి తప్పి పోయిన వాళ్ళు పూటకి ఇంత చొప్పున పనిచేస్తున్నారు. ఇంటర్, డిప్లొమా, ఐ.టి.ఐ తప్పిన వాళ్ళు మెకానిక్ పని చేసుకుంటూ, లేకపోతే చిన్న చిన్న ప్రైవేటు సంస్థళ్ళో అసిస్టెంట్‍లుగా పని చేస్తున్నారు. డిగ్రీ పోయిన వాళ్ళు వీళ్ళని బెదిరించి పనులు చేయించుకుంటున్నారు. ఇవన్నీ పాస్ అయిన వాళ్ళు ఏమి చేస్తున్నారో మనకందరికీ తెలిసిందే (మరి ఎక్కువ ఆలోచించకండి ఇంకేమి చేస్తారు సి లేక .నెట్ కోడింగ్ :) ). బాగా బలిసిన వాళ్ళకి పై విభజన వర్తించక పోవచ్చు. లైట్ తీసుకోండి. (అందరికీ వర్తించాలని కూడ లేదు)

          *********************************************************************
          నాకనుకో ఆ చుక్క సి అన్నమాట. ఎలాగంటే, నేను చదివింది బి.టెక్ ఎలక్ట్రికల్. మరి గమ్యం సి ఎలా అవుతుంది ఏ ట్రాన్స్‍ఫార్మరో, లేక ఏ ఇండక్షన్ మోటరో అవ్వాలి గాని అంటారా.. ఆగండాగండి, పిక్చ్యర్ అభీ భాఖీ హై దోస్త్ :). బ్లాగ్మిత్రుడు ఇండియన్ మినర్వా ఇండక్షన్ మోటర్ చదివినట్టు నేను కూడ మైక్రోప్రోసర్స్ చదవాల్సి వచ్చింది (వేరే వేరే కాలేజీలు లేండి). తను పాస్ నేను ఫెయిల్ :( (జె.ఎన్.టి.యు, 2006 పాస్డ్ అవుట్, మాడవ సంవత్సరం రెండవ సెమిస్టర్ మైక్రో ప్రోసెసర్స్ అండ్ ఇంటర్‍ఫేసింగ్ సెట్ బి పేపర్ రాసిన వాళ్ళు ఎవరైన ఉన్నారా?ఉంటే చేతులెత్తండి త్వరగా, అదిగో అక్కడెవరో ఎత్తట్లేదు మరి :) ). అది ట్విస్ట్ నాకు. నేను డిప్లమా విద్యార్ధిని. అక్కడ మూడు సంవత్సరాలు ఎలక్ట్రికల్ చదివి మళ్ళీ అంతే ఉత్సాహంతో బి.టెక్‍కి వచ్చా. కాని ఈ పేపర్ పోవడంతో అప్పటిదాక ఉన్న నా కళ చెదిరిపోయింది. చాలా చాలా భాధ పడ్డాను మొదటి సారి తప్పడం వళ్ళ. అప్పటి వరకు ఎమ్.టెక్ చేయాలనే కోరికే లేదు నాలో. కాని కోపం, కసి దా_మ్మా ఆ మైక్రోపోసెసర్ మీద :). అందుకే గేట్ రాసా. నా స్కోర్‍కి ఐ.ఐ.టి లో ఎలక్ట్రానిక్స్ సబ్జెక్ట్ (ఎమ్‍బెడ్డెడ్) రాదన్నారు. ఎన్.ఐ.టి లో పవర్ సిస్టమ్స్, పవర్ ఎలక్ట్రానిక్స్ వచ్చినా కూడ కావాలనే కేరళా లో ఓ రీసెర్చ్ కళాశాలలో ఎమ్.టెక్ ఇన్ ఎమ్‍బెడ్డెడ్ సిస్టమ్స్ జాయిన్ అయ్యా (ఆ విశేషాలు ఇక్కడ చూడొచ్చు). అందుకే సి అయ్యింది నా చుక్క. కన్వర్షన్ కి బానే కష్ట పడాల్సి వచ్చింది. డిప్లమాలో సి లేదు కదా ఫోట్రాన్ ఉనింది :). బి.టెక్‍లో నేను నేరుగా రెండవ సంవత్సరంలోకి (లేట్రల్ ఎంట్రీ) వచ్చి పడ్డాను. మొదటి సంవత్సరంలోనే సి అయిపోయింది అంట. అయిన పవర్ గ్రిడ్ లో /ఏ.ఈ/ జె.టి.వో (ఇవే నా గోల్స్ అప్పట్లో  :) ) గానో పనిచేసే వాడికి సి ఎందుకులే అని నేను తర్వాత నేర్చుకోలేదు. కాని లైఫ్ కదా అన్నీ మనం అనుకున్నట్టే జరిగితే ఇంకేముంది నేను దేవున్ని అనే సినేమా నేనే తీసే వాడిని :). త్రి టూ సెలవుళ్ళో బయట సి నేర్చుకున్నా :). అప్పుడు నేర్చుకున్నదే ఇప్పటి వరకు నాకు అన్నం పెడుతుంది (త్యాంక్స్ టు షబ్బీర్ సర్ - మై సి గురు).
          ********************************************************************
          సో అందరికీ అన్నీ అనుకూలించవు కాబట్టి మరియు చుట్టూ ఉన్న రిరాల ప్రభావం వళ్ళ, పరిస్థితుల వళ్ళ అందరూ శాస్త్రవేత్తలు కాలేరన్నమాట. డాక్టర్లు, లాయర్లు, సినీ హీరోలు, ఇంజనీర్లు ఇలా.. ఐ.టి లో ఉన్న కొంత మందికి .నెట్, మరి కొంత మందికి జావ, ఇంకొంత మందికి ఇంకేదో ఉంటుంది చుక్క. కాని ఏ చుక్క మన గమ్యం అయినా అందులో అన్నీ ఉంటేనే అందం ఆనందం. కావాలంటే గమనించి చూడండి లెక్కలు, సైన్స్ మరియు సొషియల్ ప్రతి చోట ఉపయోగ పడతాయి. మనం వాడే గణన యంత్రపు భాషళ్ళో కూడ. వృత్తి రీత్యానే కాదు మన రోజువారీ జీవితంలో కూడ.  That's how it is and it should be. అయిన చదువు అనేది ఒక టైం వరకే ముఖ్యంగా ఉంటుంది తరవాత ప్రాధాన్యతలు మారిపోతాయ్ కదా :).. మజా మాడి.

Tuesday, March 22, 2011

చదువు సంధ్యలు

        ఒకటవ తరగతి నుంచి పదవ తరగతి వరకు మనము ఏఏ సబ్జెక్టులు( తెలుగు పదం గుర్తుకు రావటం లేదు, మా రూంమేటుని అడుగుదాము అంటే చెవిలో హెడ్సెట్ పెట్టుకొని చానా సీరియస్గా గోలీమార్ సినెమా చూస్తున్నాడు ) చదివామో సారి గుర్తుచేసుకోడి. తెలుగు, హిందీ, ఇంగ్లీషు, లెక్కలు, సైన్సు మరియు సోషియల్. దాదాపుగ అందరు ఇవే అనుకుంటా లేకపోతే ఇంకొంత మంది సంస్కృతం చదివుంటారు తెలుగికి బదులు. తెలుగులో ఐతే పద్యాలు, సంధర్భాలు, ప్రతి పదార్ధాలు, గద్య భాగంలో అనేక విషయాలు మరియు నాన్డిటెయిల్ (తెలుగు పేరేంటి?) పుస్తకం. హిందీ, ఇంగ్లీషులలో కూడ అన్నే విభాగాలు. ఇక లెక్కలు(నా ప్రియం :) )కి వస్తే కూడికలు, తీసివేతలతో మొదలుపెట్టి ఎన్ని సూత్రాలో, ఎన్ని రకాల లెక్కలో, అంకెలతో ఆట ఆడుకున్నాం. కెవ్వసలు.. సైన్స్లో భౌతిక శాస్రం, రసాయనిక శాస్రం మరియు జీవ శాస్రం చాలా నేర్పింది మనకి. ఇకపోతే సోషియల్ భాగోళ శాస్రమని, చరిత్రని, పౌర శాస్రమని మరియు ఆర్ధిక శాస్రమని మన భూమి గురించి, చరిత్ర సృష్టించిన మహనీయుల గురించి, రాజకీయ విభజన మరియు పాలన గురించి, డబ్బు యొక్క విలువ గురించి నేర్పాయి.
        పదవ తరగతి అయ్యాక కొంత మంది ఇంటర్మీడియట్లో ఇంకొంత మంది డిప్లోమా అని మరికొంత మంది .టి. అని విడిపోతారు. ఇంటర్లో కూడ మళ్ళీ లెక్కలు ఇష్టమైన వాళ్ళు ఎమ్.పి.సి అని, సైన్స్ ఇష్టమైన వాళ్ళు బై.పి.సి అని, ఇవేమి లేకుండ సోషియల్ ఇష్టమైన వాళ్ళు సి..సి నో లేక హెచ్..సి లోనో చేరుతారు. సైన్స్ గ్రూపులో చేరిన వాళ్ళు ఆర్ట్స్ని మరచిపోతారు అలాగే ఆర్ట్స్లో చేరిన వాళ్ళు సైన్స్ని మరుస్తారు అట్లీస్ట్ టెచ్ పోతుంది.
        తర్వాత డిగ్రీ. దీన్ని మళ్ళా రెండుగా విడగొట్టి టెక్నికలు మరుయు నాన్-టెక్నికలు అని చదువుతాం. టెక్నికల్ అయితే ఇంజనీరింగ్ నాన్-టెక్నికల్ అయితే బి.ఎస్సీ (ఇంకా కొన్ని ఉన్నాయి, గుర్తు లేదు )అని చదువుతాం. పన్నెండు లేద పదమూడవ తరగతి వరకు సబ్జెక్టులను విడగొట్టి చదువుతాము, డిగ్రీలో ఏకంగా మనుషులలే విడగొట్టి టెక్నికలు, నాన్-టెక్నికలు అని చదివిపిస్తారు. అందుకే మనిషి చదువులో డిగ్రీకి చాలా ప్రాముఖ్యత ఉంది అని నా ఉద్దేశం. సరేలేండి విషయానికి వచ్చేద్దాం. ఇంక ఇంజనీరింగ్లో ఎన్నెన్ని విభాగాలున్నాయో మనందరికి తెలిసిందే. మాటకి కరెంట్ గురించి చదివేవారికి ఎలక్ట్రికల్, నిర్మాణాల గురించి చదివేవారికి సివిల్, పనిముట్ల గురించి చదివే వారికి మెకానికల్. తర్వాత వీటి నుండి ఎలక్ట్రానిక్స్, కంప్యూటర్స్, బయో టెక్నాలజీ, షుగర్ టెక్నాలజీ, మైనింగ్, కెమికల్ మొదలగునవి వచ్చాయి. నాన్-టెక్నికల్ వాళ్ళు లెక్కలమీదో, సైన్స్ మీదో లేక అడ్మినిస్ట్రేషన్ లోనో వాళ్ళ ప్రతాపాలు చూపిస్తుంటారు ఇంకో పక్క. ఇక్కడ మనం చేసేది ఏంటంటే ఒక ఏరియా ఆఫ్ సబ్జెక్ట్స్ మీద పట్టు సాధించడం అన్నమాట. అంటే మిగతా వాటి మీద.. ఏమోలే.
        ఇంకిది కాకుండ ఇంకా ఏదో పొడిచేయాలి అని కొంతమంది పీజీలు కూడ చేస్తుంటారు. దాంట్లో ఏంటంటే మనం డిగ్రీలో చదివిని దానిని ఇంకా స్క్యూజ్ చెయ్యడం అన్నమాట అంటే ఎన్నుకున్న ఏరియాని కూడ ముక్కలుగా చేసి అప్లికేషన్ వైజ్లో చదవటం. ఇంకా ఓపిక తీరిక కోరిక ఇంకేదో :) ఉన్నవాళ్ళు పి.హెచ్.డి లని, రీసెర్స్లని వెళ్ళి ఒకే ఒక పేపర్ మీద పట్టు సాధిస్తారు. వాళ్ళని తర్వాత ఏమడిగినా ఆవు కథ లాగ దాన్నే చెప్తారు. ఆవు కథ తెలియని వాళ్ళు కింద చూడవచ్చు.

     *************************************************
        ఒకానొక ఊరిలో ఒకానొక బడిలో గిరీష్ అనే బాలుడు తరగతిలో చానా చురుగ్గా ఉండేవాడు. ఒక రోజు పాటశాలలో ఉపాధ్యాయురాలు గిరీష్ ని లేపి ఆవు గురించి చెప్పమంటే గిరీష్ ఇట్లనెను.. "ఆవు, ఆవుకి నాలుగు కాళ్ళుండును, రెండు కళ్ళుండును, రెండు చెవులు, ఒక ముక్కు, ఒక నోరు, దాని లోపల నాలుక ఉండును..ఇంకా ఏవేవో ఉండును. ఆవు పాలిచ్చును, దానితో పెరుగు, వెన్న, జున్ను తయారు చెయ్యొచ్చును. ఆవు గడ్డి మేయును. ఆవు పొలంలో పనులు చేయును..". అప్పుడు ఉపాధ్యాయురాలు గిరీష్ ని శభాష్ అని మెచ్చుకొని నా ప్రియ శిష్యుడు వీడే అని మెచ్చుకొని ఇల్లు గురించి చెప్పమనెను. అప్పుడు గిరీష్ ఇట్లు చెప్పెను. "ఇల్లు, ఇంట్లో అమ్మ, నాన్న మరియు నేను ఉంటాను. ఇంటి బయట ఆవులుండును. (హా..ఆవు..) ఆవు, ఆవుకి నాలుగు కాళ్ళుండును, రెండు కళ్ళుండును, రెండు చెవులు, ఒక ముక్కు, ఒక నోరు, దాని లోపల నాలుక ఉండును..ఇంకా ఏవేవో ఉండును. ఆవు పాలిచ్చును, దానితో పెరుగు, వెన్న, జున్ను తయారు చెయ్యొచ్చును. ఆవు గడ్డి మేయును. ఆవు పొలంలో పనులు చేయును.. ". సారి ఉపాధ్యాయురాలికి గిరీష్ మీద లైట్ గా జాలి కలిగి ఇలాగ కాదని చంద్ర మండలం గురించి చెప్పు అని అడగగా, గిరీష్ ఇలా సమాధానమిచ్చెను.."చంద్ర మండలం ఆకాశంలో ఉండును. చంద్ర మండలంలో చందమామ ఉండును. నాకంతగా తెలియదు చంద్ర మడలంలో ఒక వేళ ఆవులుంటే.. ఆవు, ఆవుకి నాలుగు కాళ్ళుండును, రెండు కళ్ళుండును, రెండు చెవులు, ఒక ముక్కు, ఒక నోరు, దాని లోపల నాలుక ఉండును..ఇంకా ఏవేవో ఉండును. ఆవు పాలిచ్చును, దానితో పెరుగు, వెన్న, జున్ను తయారు చెయ్యొచ్చును. ఆవు గడ్డి మేయును. ఆవు పొలంలో పనులు చేయును..". ఉపాధ్యాయురాలు గిరీష్ కి టి.సి ఇచ్చి పంపెను :).
     *************************************************

        ఇలా అందరూ పెద్ద పెద్ద చదువులు చదివి నాలెడ్జ్ని తగ్గించు కొంటున్నారు అన్నమాట. మరదే కదా జరిగేది ఎక్కడ పదవ తరగతి లో అన్నీ సబ్జెక్ట్స్, ఎక్కడ పి.హెచ్.డి పేపర్. విశాలమైన ప్రదేశంతో మొదలయ్యి, చివరికి ఒక చుక్కతో మిగిలిపోతున్నాం. ఇక .టి పుణ్యమా అని చదువొకటి, సంధ్య ఒకటి లాగా ఐపోతుంది జీవితం. నేను చాలా మందిని కలిశాను మా ఆఫీసులో, బయట. వాళ్ళు చదివింది సివిల్, మెకానికల్, కెమికల్, షుగర్ టెక్నాలజీలు. చేస్తుంది సి లేద .నెట్ కోడింగ్. యేమిరా అంటే డబ్బులు బాగ ఇచ్చేది .టి ఫీల్డ్లోనే కదన్నా అంటారు. మేము చదివిన వాటిళ్ళో ఇంతింత జీతాలు ఇవ్వరు అంటారు. నిజమే మరి. కాని.. జీవితంలో చదువొక భాగం అవ్వాలికాని జీవితమే చదువు కాకూడదు అనుకొని గమ్మనుండిపోతా..

(పై టపా ఎవరిని నొప్పిచాలని కాదు, ఎవరిని ఉద్దేశించింది కాదు, నా మనసులోని భావం మాత్రమే. ఆవు కథ సరదాకి మాత్రమే.. పెద్ద చదువులు చదివిన వారిని కించ పరచాలని మాత్రం కాదు అని అర్ధం చేసుకోగలరు)